د ټولګټو وزارت مالي او اداري مرستیال نعمتالله حیدري د دوشنبې پر ورځ کابل کې خبري غونډې ته وویل، چې د درېیو سرکونو جوړولو او پلونو جوړولو ۳ تړونونه له یو خصوصي شرکت سره لاسلیک کړ.
حیدري زیاتوي، چې دغه سړکونه او پلونه په کابل، کاپيسا او بغلان ولایتونو کې د ۲۲۰ میلیونه افغانیو په ارزښت جوړیږي.
هغه زیاتوي چې دغه پروژې به له ۱۲ تر ۱۷ میاشتو پورې بشپړې او ګټې اخستنې ته سپارل کیږي.
د حیدري پر وینا، ددغه پروژو مالي لګښت د افغان دولت او جاپان هېواد له خوا ورکول کیږي.
د ولسي جرګې غړي داوود کلکاني د فواید عامې وزارت ددغه کار ستاینې ترڅنګ وايي، چې ددغو پروژو پلي کولو سره اوزګارو کسانو ته به د کار زمینه هم برابره شي.
