په هرات ولایت کې پولیسو د ۵ کسه ییزې ډلې د نیولو خبر ورکړی، چې دغه ډله په دې وروستیو کې د امنیتي ځواکونو او ولسي وګړو په ترور کې لاس لري.
ویل کیږي چې دغې ډلې د هر امنیتي افسر د ترور په بدیل کې ۱۰۰ زره افغانۍ تر لاسه کولې.
د پولیسو د امینه قومندان عبدالمجید روزي تېره ورځ د ( اپریل په ۲۲مه) په یوې خبري ناسته کې وویل، چې ۱۰ تنه یې د بېلا بېلو تورونو له امله نیولي دي.
دی وايي چې له دې ډلې نه یې ۵ تنه د قاچاقو، نظامي تجهیزاتو او د زنا په تور نیولي او پاتې ۵ تنه نور یې د امنیتي ځواکونو د ترور په تور نیولي دي.
روزي وايي، چې د دې ترهګرو ملاتړی د حاجي وزیر په نوم د طالبانو یو قومندان دی چې اوس هم د حکومت پر وړاندې جګړه کوي.
د هرات د پولیسو امنیه قومندان زیاته کړه، چې د تېرو دوو میاشتو راهیسې، په دې خوا دا درېیمه ترهګره ډله ده، چې نیول کېږي.
ده وویلې، چې دا ډله یې د هرات ولایت د شیدايي سیمه کې د یوې زوره ور ترهګریز برید پر مهال نیول شوې ده.
روزي زیاته کړه، دغې ډلې د هرات ۳۰ متره جادې د ماین ښخونې مسوولیت هم په غاړه اخیستی، چې د پولیسو له خوا کشف او له منځه یوړل شو.
فضل الرحمان خادم د هرات ولایت د ترهګرۍ سره د مبارزې امر وویل، چې دغې نیول شوې ډلې تر دې دمه په دغه ولایت کې د امنیتي ځواکونو د ترور په ۵ پېښو اعتراف کړی دی.
