د یونان په اوبو کې د ۷ تنو وژل شویو مړي یې کابل کې ښخ کړل

د یوې کورنۍ ۷ تنه غړي، چې د یونان په اوبو کې ډوب شويي وو، نن ( شنبه) کابل کې خاورو ته وسپارل شول.
 دا کورنۍ دوه اونۍ مخکې د بېوزلۍ له امله اروپايي هېوادونو تللې وې.

په وژل شویو کې دوه نارینه، دوه ماشومان او درې ښځې شاملې دي.

د دغې کورنۍ خپلوان وايي، چې تر اوسه د خپلې کورنۍ د پاتې شپږو تنو په اړه معلومات نه لري.

د دوی د خپلوانو په خبره، دغه کورنۍ ۱۳ تنه غړي لري.

د دې کورنۍ پلار کله، چې د خپلو زامنو، لمسیانو او د کورنۍ د ښځو جسدونه ښځول؛ دومره وویل، چې ملا یې ماته شوې ده.

د وژل شویو کسانو پلار وویل، چې زوی یې خیاط و او د کورنۍ د اقتصاد له پاره یې شپه او ورځ کار کولو، خو د کورنۍ اقتصاد یې ښه نه شو او بلاخره یې زوی له کورنۍ سره اروپا ته د تګ هوډ وکړ.

دی وايي، چې څوځلې یې په دې پرېکړه کې د زوی مخالفت وکړ، خو پایله یې ور نه کړه.

د کابل هوايي ډګر د سرحدي پولیسو قوماندان جنرال حقنواز حقیار سلام وطندرا ته وویل، دغه لومړی ځل دی، چې د یې کورنۍ په اوبو کې وژل شوي غړي په یوارې ډول هېواد راوړل کېږي.

د رراپورنو پر بنسټ افغانستان د نړۍ دویم هېواد دی، چې زیات خلک یې اروپايي هېوادونو ته د پنااخیستلو له پاره ورځي.

د روان کال له پیل نه تر اوس پورې ۱۵۰ کسان د اېټالیا او یونان د اوبو له لارې او ځېنې نور یې د وچې له لارې بالکان، د شنګن غړیو هېوادونو او نورو اروپايي هېوادونو ته ورغلي دي.