کندوز کې د ګلتپې، اقتاش او کلباد ولسوالیو له جوړېدو شاوخوا دوه کاله تېرېږي؛ خو دغه ولسوالۍ لا هم د طالبانو په کنټرول کې دي.
د دغو ولسوالیو یو شمېر اوسېدونکي وايي، د دې لهپاره چې ولسوالۍ یې د طالبانو تر کنټرول لاندې سیمو کې دي؛ د ولسوالیو دولتي ادارې هم د کندوز له مرکزه فعالیت کوي او دوی د خپلو ستونزو حل او له دولتي خدمتونو څخه په ګټې اخیستلو کې له ګڼو ستونزو سره مخ دي.
د کندوز د دوو نویو جوړیو شویو ولسوالیو اوسېدونکي جمعهالدین او حشمتالله سلاموطندار سره خبرو کې وویل چې دولت ورسره د ولسواليو د جوړېدا پر مهال ژمنه کړې وه چې امنیت به راشي؛ خو د ولسواليو له جوړېدلو وروسته امنیت څه چې دولتي ادارې هم نهدي راغلي.
د دوی په وینا، حکومت ورسره څو وارې ژمنه کړې، چې دغه ولسوالۍ به د طالبانو له موجودیته پاکې کړي؛ خو تراوسه یې پهخپلو ژمنو عمل نهدی کړی.
د اقتاش ولسوال عزیزالله وايي، هغوی په وار ـ وار ځايی ولایتي ادارې ته وړاندیز کړی چې د پوځي عملیاتو له لارې دغه ولسوالۍ تصفیه کړي؛ خو د کندوز اداره چوپه خوله ده.
د کندوز والي ویاند نعمتالله تیموري وايي، دغه درې ولسوالۍ به ډېر ژر د طالبانو له حضوره پاکې شي.
افغان ولسمشر ۱۳۹۳ کال کې د یوه فرمان په صادرولو سره کندوز د ځايي اوسېدونکیو د ستونزو د حل په پار اقتاش، کلباد او ګلتپه ولسولۍ رامنځته کړې؛ خو داسې ښکاري چې د ولسواليو له جوړېدا ۲ کاله وروسته ستونزې لا ډېرې شوېدي.
