د کرنې، اوبولګونې او مالدارۍ وزارت د روغتیايي خدماتو رییس جهانګیر میاخېل د سهشنبې پر ورځ په کابل کې یو خبري کنفرانس ته وویل، چې دوی د کوچیانو په مرسته د پسه غوښې په عرضه کولو کې ځان بساینې ته رسېدلي دي.
د میاخېل پر وینا، د کرنې، اوبولګونې او مالدارۍ وزارت تر اوسه یې له نورو هېوادونو نه د پسونو غوښه نهده راوارده کړې، بلکې نورو هېوادونو ته صادره کړې هم ده.
په ورته وخت کې د غونډې یو ګډونوال او د هېواد مالدار حاجي غلام حیدر وویل، چې دولت باید مالدارانو ته د مالدارۍ په نږدې ځایونو کې حیواني کلینکونه جوړ کړي.
د ده په خبره، دوی ډېر وخت خپل حیوانات هغه وخت د ناروغۍ له امله لاسه ورکوي، چې یا یې په ناروغۍ نه پوهېږي او یا ترې د حیواناتو کلینکونه لېرې وي.
دا پهداسې حال کې ده، چې د کرنې، اوبولګونې او مالدارۍ وزارت وايي، چې اوسمهال د مالدارانو د حیواناتو لهپاره په ټول هېواد کې ټولټال ۱۳۲۰ کلینکونه فعال دي.
