د ټاکنیزو شکایتونو خپلواک کمېسیون ویاند قاسم الیاسي وايي، د کابل د رایپاڼو د څېړلو چارې پای ته رسېدلي او د یادو پاڼو د تطبیق چارې هم نن پیلېږي.
نوموړی وايي، که څه هم د کابل د ټاکنو د بیا شمېرنې پر مهال پراخې درغلې شوې وې، خو دوی بیا هم توانېدلي چې د یادو ټاکنو ۸۰ سلنه اصلي فورمونه ترلاسه کړي.
په همدې حال کې د ټاکنو خپلواک کمېسیون مرستیال ویاند عبدالعزیز ابراهیمي وایي، ولسي جرګې ته د کابل د ټاکنو پایلې به د شکایتونو کمېسیون د موندنو پر بنسټ چې دوی ته یې لېږلي، اعلان شي.
د ټاکنیزو شکایتونو کمېسیون څو ورځې وړاندې د کابل رایو په بیا شمېرنه کې د پراخو درغلیو خبر ورکړ او همدا لامل و چې د رایو د بیاشمېرنې بهیر یې له سره پیل او د معلوماتو له مخې، وروستی شوی دی چې ژر به د کابل ولایت د ولسي جرګې ټاکنو وروستۍ پایلې اعلان شي.
اړوند مطالب:
