د افغانستان اوبو رسولو او کانالیزاسیون عمومي ریاست چارواکي وايي، چې په پام کې لري د پروان ولایت په چاریکار ولسوالۍ کې د څښاک پاکو اوبو ۳ شبکې جوړ کړې کړي.
د یاد ولایت سیمهییز چارواکي وايي، چې دغه ۳ شبکې به د چاریکار ښار په ۳ مرکزي سیمو کې جوړې شي، چې له مخې به یې ۴ زره او ۸۰۰ اوسېدونکي د څښاک پاکو اوبو ته لاس رسی پیدا کړي.
د معلوماتو لهمخې، د دې ۳ شبکو لګښت ۳۸ میلیونه افغانۍ اټکل شوی دی، چې د اوبو رسولو او کانالیزاسیون عمومي ریاست لهخوا به د یو کال په موده کې بشپړ شي.
د پروان والي محمد عاصم عاصم د دې شبکو د پرانستینې په مراسمو کې وویل، چې له بشپړېدو وروسته به د زیاتو کورونو اساسي ستونزې حل شي.
په همدې حال کې د اوبو رسولو او کانالیزاسيون عمومي رییس حمید الله دُراني وویل، د ملي وحدت حکومت په پام کې لري، چې تر راتلونکو ۵ کلونو پورې د هیواد ټول وګړي په ۲۴ ساعته توګه د څښاک پاکو اوبو ته لاسرسی پېدا کړي.
د راپور پر بنسټ، د اوبو رسولو د دغه ۳ شبکو اوبه په نلونو کې د سالنګ ولسوالۍ څخه راځي.
په ډاګه دې وي، دا لومړی ځل دی چې د پروان ولایت د اوسيدونکو اساسي ستونزې ( د څښاک اوبو ته لاسرسي) په برخه کې حکومت جدي پاملرنه کوي.
