د پروان ولایت په ګلغونډۍ کې یوشمیر شاعرانو، لیکوالانو، فرهنګیانو، دولتي سیمه ییز چارواکو او د پروان ځوانانو په ګل غونډۍ د ارغوان جشنواره جوړه کړه.
د پروان ولایت یو اوسیدونکي عمراحمد پروانی وايي، چې ددې جشنوارې په جوړولو سره غواړي ثابته کړي چې پروان نه یوازې د جهاد او مقاومت مرکز و بلکې له هېواده دفاع او فرهنګي ارزښتونو ساتنه هم کوي.
په همدې حال کې، د پروان والي محمد عاصم،عاصم مزار شریف کې د ګل سرخ میله، په پروان کې د ارغوان ګل، په ننګرهار کې د نارنج ګل، په کندهار کې د انار ګل او په دایکندي کې د بادام ګل میلې د اوسیدونکو ترمنځ د لازیات یووالي او نږدې کیدو له پاره یو مناسب فرصت بولي.
په پروان ولایت کې د ارغوان ګل جشن لمانځنه د خبرو درې پړاونو کې، شعرویل، ګوډي پران بازي او د یو شمیر شاعرانو او لیکوالو اثارو لوستلو په ترڅ کې ترسره شوه.
په دې میله کې یوشمیر ګډونوالو د پروان له سیمه ییزو چارواکو وغوښتل، چې د ګل غونډۍ، تپې د لیدونکو له پاره دې اسانتیاوې برابرې کړي.
د ارغوان ګل جشن له هغو جشنونو بلل کيږي. چې د هرکال په لومړۍ میاشت کې د پروان ولایت په ګل غونډۍ کې لمانځل کیږي او د دغه ارغواني طبیعي رنګونو د ليدلو له پاره د افغانستان له بېلابېلو ولایتونو څخه خلک ورځي.
