افغان ولسمشر محمد اشرف غني لارښوونه کړې، چې د ټاکنیزو کمېسیونونو د کمېشنرانو غوراوي کمېټه دې ژر تر ژره خپل کار پیل کړي.
د ولسمشر مرستیال ویاند شاه حسین مرتضوي وايي، چې د غوراوي کمېټې کار پیل له پاره لومړني تدبیرونه نیول شوي او د دې کمېټې کار له پیل وروسته تمه کېږي، چې د ټاکنو او شکایاتو کمېسیونونو کمېشنران هم معرفي شي.
مرتضوي زیاته کړه، د ولسي جرګې د ټاکنو په اړه ستونزې لرې شوي او د ټاکنو نېټه د کمېسیونونو نوي غړي اعلانوي.
دغه راز، د ولسمشر مرستیال ویاند وویل، د ټاکنیزو حوزو امنیت په هکله هم خبرې شوي او د ټاکنو مالي لګښت برابرولو په اړه کار کوي، چې یو څه لګښت يې افغان حکومت ورکوي او نور به له نړیوالې ټولنې ترلاسه شي.
د مرتضوي پروینا د افغانستان تېرو ټاکنو تجربوته په کتو به د درغلیو مخنیوی وشي.
د ولسمشر د ویاند مرستیال وايي، د نفوسو احوالو ثبت قانون هم توشح شوی او ولسمشر او اجرایوي رییس يې د تطبیق په اړه خبرې کوي.
دی وايي، کله چې د ولسوالیو شوراګانو او ولسي جرګې ټاکنې ترسره شي د اساسي قانون لویه جرګې ته زمینه برابریږي، ځکه چې د لویې جرګې یوه برخه غړي د ولسوالیو شوراګانو غړي جوړوي او له هغه پرته لویه جرګه نه شي جوړې دی.
