د ټاکنو کمېسیون د کړنو په اړه د ټاکنیز سمون او عدالت غوښتنې ډلې یا فیفا د خپلو موندنو پر بنسټ ادعا کوي چې ټاکنیزو کمېسیونونو اساسي قانون، د ټاکنو قانون او ټاکنیز مهالوېش په بېلابېلو مواردو کې نقض کړیدی.
دا ډله وايي، موندنې یې ښيي چې د ټاکنوخپلواککمېسیون د نوملیکنې مرکزونو جوړولو، د ټاکنو او شکایتونو کمېسیونونو په ګومارنو، علني غونډو او د رسنیو کمېټې جوړولو په برخه کې د ټاکنو قانون نقض کړیدی.
د فیفا په باور، د ټاکنو له ښکېلو لوریو سره د اړیکو په ټینګولو کې سستي، د نوماندانو نوملیکنې پرمهال د ستونزو جوړول، په ګومارنو کې ښکاره لاسوهنه، له غیرقانوني لارې د دارالانشا رییس ګومارنه، د قانون نقض نورې بېلګې دي.
د فیفا د پروګرامونو مسوول محمدنعیم اصغري وايي، د ټاکنو کمېسیون د ټاکنو سلامتیا ته پام نهدی کړی او د دوی د موندنو له،مخې، ۱۸ مورده یې د ټاکنو قانون، یو مورد اساسي قانون او ۶ مورده ټاکنیز مهالوېش نقض کړیدی.
د فیفا غړی سیدنعیم شکېب بیا د ټاکنو له کمېسیون څخه غواړي چې پر اعلان شوي ټاکنیز مهالوېش بیا کتنه وکړي. نوموړی پر کمېسیون د خلکو باور راژوندي کولو لهپاره د کمېسیون مسوولانو ترمنځ د قانونمنلو روحیې پر پیاوړتیا ټینګار کوي.
فیفا د ټاکنو کمېسیون کارکوونکیو د ګومارنې پر پروسې هم نیوکه کوي او وايي، د یو شمېر ولایتي کمېسیونونو رییس د ټاکنو قانون خلاف د هماغه ولایت اوسېدونکي دي.
هڅه مو وکړه چې پهدې اړه د ټاکنو کمېسیون نظر هم واخلو؛ خو د هغوی د نظر په اخېستلو بریالي نهشو.
