د ولسمشر ویاند صدیق صدیقي وايي، د ولسمشر محمد اشرف غنی او لومړۍ مېرمنې د کورونا ويروس پايله منفي ده.
صديقي نن د سې شنبې په ورځ پر خپله ټوېټر پاڼه لیکلي چې د ولسمشر غني او د لومړۍ مېرمنې په غوښتنه د دوی د کورونا وېروس ازمېښت اخیستل شوی و.
نوموړی زیاتوي چې ولسمشر روغ دی او هره برخه کې د حکومتولۍ چارې پرمخ بیایي.
دا په داسې حال کې ده چې تېره ورځ ارګ کې يوې سرچينې سلاموطندار سره خبرو کې تاييد کړې وه چې د جمهوري رياست، د چارو د ادارې او ملي امنيت شورا ۴۰ کارکوونکي پر کورونا ويروس اخته شوي دي.
