د ننګرهار ولایت د والي ویاند عطاالله خوږیاڼي سلام وطندار ته ويلي، نن سهار شاوخوا نهه بجې د هسکېمېنې ولسوالۍ په پاپين کمپ سيمه کې د ولسي وګړیو په پېکپ موټر د سړک غاړې ماين چاودنه کړې.
خوږیاڼی وايي، په دغه پېښه کې د يو ماشوم په ګډون پنځه تنه وژل شوي دي.
هغه زیاتوي، د چاودنې له امله ۹ تنه ټپيان شوي چې دوه یې ماشومان او څلور په کې مېرمنې دي.
ورته وخت کې د ننګرهار ولایت د حوزوي روغتون رییس ډاکټر نجیب الله کاموي وايي، د پېښې له سیمې د هسکېمېنې روغتیايي مرکز او د جلال اباد ښار روغتون ته ۱۴ ټپيان وروړل شوي دي.
ویل کېږي وژل شوي او ټپيان ټول د یوې کورنۍ غړي دي.
تراوسه د پېښې مسوولیت هېڅ کومې وسلهوالې ډلې نه دی اخیستی.
