بېګا شپه ناوخته ۵ وسله والو بریدګرو د ننګرهار ولایت پر امنیې قومندانۍ ډله ییز برید وکړ.
دغه برید بیګا شاخوا ۱۱ پیل او ۳ بجې پای ته ورسید.
د ننګرهار امنیه قوماندان پاسوال فضل احمد شیرزاد نن جلال اباد ښار کې خبري غونډې ته وویل، چې په دغه برید کې ۶ بریدګرو برخه اخیستې وه.
د ښاغلي شیر زاد پر وینا په برید کې ۹ پولیس تپیان شوي، چې د یوه تپونه ژور دي او یو ملکي وګړی هم تپي شوی دی.
خو ځېنې معلوماتي سرچینو سلام وطندارته وویل، چې په دغه ډله ییز برید کې ۵ بریدګر وژل شوي، ۱۱ پولیس او ۵ عام وګړي ټپیان شوي دي.
د شېرزاد په خبره، لومړی دوو برد ګرو د امنیه قوامندانۍ مخې ته د موټر بم دوه زورورې چاودنې وکړې او څلور نور برید ګر له امنیتي ځواکونو سره په جګړه بوخت شول.
د ننګرهار امنیه قوماندان د مالوماتو له مخې ۳ بریدګر له پولیسو سره په مخامخ جګړه کې ووژل شول او یو بل پولیسو په ټپي حالت کې ونیول شو.
طالبانو د برید مسوولیت پرغاړه اخیستی، خو د جزیاتو په اړه یې تراوسه څه نه دي ویلي.
