ننګرهار کې یوه باوري حکومتي سرچینه چې نه غواړي نوم یې خپور شي وايي، شېرزادو ولسوالۍ کې پر یوه کور د هاوان مرمۍ لګېدو پېښه کې یوه مېرمن او ۵ ماشومان وژل شوي دي.
سرچینې وویل، هاوان د افغان ځواکونو له لوري توغول شوی چې ۴ نور ماشومان په کې ژوبل شوي هم دي او عمرونه یې له لسو کلونو کم دي.
خو د ننګرهار د والي ویاند عطاالله خوږیاڼي وویل، د شېرزادو «کدي خېلو» سیمه کې د وسلهوالو طالبانو او حکومتي ځواکونو ترمنځ جګړه شوې چې د طالبانو یوې مرمۍ ۶ ملکي وګړي وژلي او ۴ ماشومان یې ټپيان کړي.
خوږياڼی وايي، یاده سیمه په بشپړ ډول د وسلهوالو تر ولکې لاندې ده.
طالبانو تر اوسه د حکومت د دې ادعا په اړه څه نه دي ویلي.
