.jpg)
د افغانستان د ملي پېوستون ګوند غړیو او یو شمیر کابل ښاریانو د ۵ شنبې په ورځ (سپټمبر۲۲مه) له حزب اسلامي سره د سولې تړون د لاسلیک په خلاف لاریون وکړ .
دوی وویل، چې وروسته له دې دولته او له نړېوالې ټولنې هیڅ کومه هیله نه لري او د دغه تړون لیک په امضا کولو سره به افغانستان یوځل بیا د تباهۍ په لور روان شي.
د دغه لاریون ګډون وال وایي، چې دوی له ګلبدین سره د سولې د تړون پر ځای د ګلبدین حکمتیار په محاکمې باندې خوشاليږي.
د ملي پېوستون ګوند ویانده سیلۍ غفار وایي، چې د دې تړون په لاسلیک کولو سره به د جنایتکارانو کړۍ بشپړې شي او افغانستان به یوځل بیا د تباهۍ په لور روان شي.
.jpg)
له بلې خوا، یو تن ګډون کوونکې مرسل ارمان په دغه لاریون کې سلام وطندار ته وویل، دولت د دې حق نه لري چې د حزب اسلامي مشر ګلبدین حکمتیار وبخښي او دا د هغوی کورنیوحق دی چې په هیواد کې د کورنۍ جګړۍ قربانیان دي.
لاریون نکوونکو د یوې اعلامي په صادرولو سره له ټولو هېواد والو وغوښتل، چې د دولت او حزب اسلامي سره د سولې د تړون په تړاو خپل اعتراضي غږ پورته کړي او د دغه تړون د عملي کولو مخه ونیسي.
