که څه هم د سوداګرۍ او صنایعو خونې مسوولان د هوايي دهلیزونو له لارې هند، ترکیې او قزاقستان ته د د افغانستان صادرات مثبت بولي؛ خو بهرنیو هېوادونو کې د دغو محصولاتو لهپاره د مناسب بازار له نهشتوالي اندېښنه څرګندوي.
هغوی غیرمعیاري بستهبندي او پروسېس، د هېواد محصولاتو لهپاره د مناسب بازار د نهشتوالي اصلي لاملونو څخه بولي.
د سوداګرۍ او صنایعو خونې مرستیال خانجان الکوزی سلاموطندار سره خبرو کې وايي، د بستهبندۍ کوم معیارونه چې پاکستان ته د افغانستان د محصولاتو صادرولو لهپاره په پام کې نیول شوي، هند، ترکیې او قزاقستان هېوادونو کې د منلو وړ نه دي.
ښاغلی الکوزی هېواد کې د محصولاتو معیاري بستهبندۍ او پروسېس لهپاره د مرکزونو په جوړولو ټینګار کوي.
د کرنې، اوبو لګونې او مالدارۍ وزارت چارواکي سره له دې چې د صادراتي محصولاتو بستهبندۍ او پروسېس برخه کې ستونزې مني؛ خو وايي، یو شمېر ولایتونو کې د پروسېس او بستهبندۍ ستر مرکزونه جوړ شويدي.
د کرنې، اوبو لګونې او مالدارۍ وزارت ویاند اکبر رستمي وايي، د کرنې وزارت شته امکاناتو ته په پام، د هغو مېوو په برخې کې چې ستراتيژيکې دي او د ملي اقتصاد پیاوړي کولو، د عوایدو او صادراتو زیاتوالي کې اساسي رول لري.
ښاغلی رستمي وايي، تراوسه پورې کابل، بلخ، هرات، ننګرهار او کندوز ولایتونو کې د میوو پروسېس او بستهبندۍ برخه کې یو څه کار شوی چې پروان ولایت کې هم د پروسېس د یوه مرکز جوړولو چارې د بشپړېدو په حال کې دي.
د سوداګرۍ او صنایعو خونې مسوولان له دولت په ځانګړې توګه د سوداګرۍ، صنعت او پانګونې وزارت او ستندرد ادارې څخه غواړي چې نړۍوالو بازارونو کې د هېواد د محصولاتو لهپاره د بازار موندنې په موخه، د طی مراحلو او معیاري پروسېس شعبې او د کیفیت ازمایښت خونې رامنځ ته کړي او د سوداګرو هم د معیاري بستهبندۍ لارې چارې معرفي کړي چې د خپلو محصولاتو بستهبندۍ او پروسېس لهپاره له دغه معیار څخه کار واخلي.
