ټاکل شوې دغه پوهنتون د لوګر ولایت مرکز پل علم کې په ۵۰۰ جریبه مځکه کې جوړ شي.
په دې اړه جوړو شویو مراسمو ته د لوګر ځای ناستي والي نیازمحمد امیري وویل، د لوګر پوهنتون په شېر دروازې سیمه کې د شاوخوا څلور میلونه امریکایي ډالرو په ارزښت جوړي.
د امیري په وینا، دغه پوهنتون د افغانستان د مالیې وزارت او د هندوستان هېواد له خوا د دوه کالونو په ترڅ کې جوړیږي.
ښاغلي امیری زیاته کړه، دغه پوهنتون به د انجینیرۍ، کرهڼۍ، ادبیاتو او د ښوونې او روزنې پوهنځي ولري.
بل لور ته د مشرانو جرګې دویم منشي ډاکتر محمد آصف صدیقي وویل، په تېرو څو کلونو کې لوړو زدکړو وزارت د لوګر پوهنتون د جوړېدو او حکومت د پرمختیايي پروژو په برخه کې د پام وړ کار نه دی کړی.
نوموړي د هیواد پر ملې سوداګرو اونړیوالو موسېسو غږ وکړ، چې د لوګر پوهنتون په جوړېدو کې مرسته وکړي.
د لوګرپوهنتون د جوړیدو ډبره تیر کال د مرکز پل علم په اشناپور سیمه کې د لوړو زده کړو وزارت له لورې کېښودل شوي وه، خو دغه پوهنتون له مرکز پل علم سره د لېري واټن او امنتې ستونزو له امله د مرکز شېر دروازې سیمې ته راولیږدول شو.
