افغانستان د «ذهني محاسبې» په نړېوالو سیالیو کې ۳ مډالونه وګټل

د هېواد د هرات ولایت زده کوونکیو د «ریاضياتو ذهني محاسبې» په نړېوالو سیالیو کې چې په مالیزیا کې جوړې شوې وې لومړی، دویم او درېیم مقامونه وګټل.

په دغو سیالیو کې د ۴۰ هېوادونو زده کوونکیو ګډون کړی و او افغان زده کوونکیو د ۱۴ مډالونو په ډله کې د نوملړ په سر کې راغلل.

د افغانستان د روباټیک کور مسوول محمدرضا رضايي سلام‌وطندار ته وویل چې په یادو سیالیو کې د اروپايي هېوادونو زده کوونکیو هم ګډون کړی و.

د افغان روباټیک ډلې چې «د افغانستان د روباټیک کور» په لومړي ځل په هرات کې فعالیت پیل کړ چې «روباټیکو نجونو» یې په نړېوالو سیالیو کې ښې وځلېدلې.

د افغانستان د روباټیک کور د بېلابېلو سازمانونو غړیتوب اخیستی چې په ۲۰۱۸ کال کې یې د کوریا «کای روباټ» او د WRO سازمان یې د نمونې په توګه یادولی شو.