د لوګر ولایتي اداره وايي، چې د دغه ولایت د کانونو او پټرولیم رییس اجمل سهاک د فساد او د کانونو ناقانونه کېندنو په تور د کابل په شهر نو سیمه کې د ملي امنیت مامورینو او د لویې څارنوالۍ غړیو له خوا د فساد په تور ونیول شو.
والي ویاند سلیم صالح سلام وطندار ته وویل، چې د لوګر د کانونو او پترولیم رییس عدلي او قضايي ارګانونو ته سپارل شوی دی.
صالح وايي، د لوګر والي محمد حلیم فدايي د امنیې قوماندانۍ، ولایتي شورا او ملي امنیت مامورینو څخه یو ګډه کمېټه جوړه کړه، او دغې کمېټې ته یې د نده وسپارلې و، چې د کانونو او پترولیم ریاست کې موجود فساد برسي کړي.
و مو غوښتل، چې په دې اړه د اجمل سهاک او د کانونو او پترولیم ریاست نظر هم واخلو د پرلپسې تماسونو په نیولو اړیکه مو ځواب نه شوه.
په ورته ورخت کې د لوګر ولایتي شورا مرستیال عدالت عبدالرحیمزي سلام وطندار سره په مرکه کې وویل، د دوی د څېړنو له مخې په دغه ریاست کې د فساد موجودیت ثابتیږي.
بل لوري د لوګر امنیې قوماندانۍ د جنایي جرمونو سره د مبارزې مدیر محمد جان عابد سلام وطندار ته وویل، د دغه ولایت د ځمکو د عراضۍ ادارې مشر عبدالاحد هم تېره اونۍ د لوګر د ملي امنیت کار کوونکو له لوري د فساد او بډو اخېستو په تور ونیول شو.
عابد زیاته کړه، چې عبدالاحد د لوګر ولایت دولتي ځمکو په نیولو کې د غاصبینو سره د مرستې په تور نیول شوی دی.
دا په داسې حال کې ده، چې ولسمشر شاوخوا دریې اونۍ مخکې لوګر ولایت ته تللی و او سیمه ییزو چارواکو ته یې لارښونه کړې وه، چې د ځمکو عاصبین او فساد کوونکو دې ونیسي.
دوه اونۍ مخکې هم په لوګر ولایت کې ۱۸ تنه د ځمکو د عضب په تور نیول شوي وو.
