د ولسمشر یو پخوانی سلاکار حبیبالله احمدزی د تېرې پنجشنبې په ورځ په ارګ کې د فساد په اړه د یوې اوونۍ وړاندې ادعا په تړاو لویې څارنوالي ته احضار شو.
حبیبالله احمدزي له رسنیو سره په خبرو کې د ولسمشر محمداشرف غني نږدې کسان د فحشا په ترویج او د ولسي جرګې نوماندانو ته د پیسو پر وېش تورن کړي وو.
اجراییه رییس عبدالله عبدالله نن په کابل کې د یوې غونډې پر مهال وویل چې د فساد دوسیې دې هغو کسانو ته نه سپارل کېږي چې خپله په فساد کې لاس لري.
د عبدالله په وینا، افغانان لا هم د هېواد پر عدلي او قضایي سېسټم باور نهلري.
اجراییه رییس زیاتوي، د فساد دوسیې باید مدني فعالان، عالمان، هېوادوال او د ولسي جرګې غړي وڅېړي چې د څېړنو پایلې یې ټولو خلکو ته د منلو وړ وي.
