د غور پوهنتون د ودانۍ جوړولو د بنسټ ډبره په ۱۰۰ جریبه ځمکه کې چې د سیمې اوسېدونکيو له لوري پوهنتون ته ورکړل شوې وه، کېښودل شوه.
د غور ولایتي شورا رییس فضلالحق احسان وايي، اوس څوک یوه لوېشت ځمکه چا ته نهورکوي، خو د فېرزوکوه ښار «تله» سیمې اوسېدونکیو د پوهنتون جوړولو او د زدهکړو بهیر د پرمختګ په موخه ۱۰۰ جریبه ځمکه په وړیا توګه د غور ولایت پوهنتون ته ورکړه چې له زدهکړو سره د دوی د مینې ښکارندويي کوي.
په همدې حال کې د غور ولایت مرستیال او سرپرست حبیبالله رادمنش د یاد پوهنتون تدریسي ودانۍ د بنسټ ډبرې اېښودو پرمهال وویل، یاده ودانۍ به په عصري بڼه په ۹۲ میلیونه ډالرو مالي لګښت سره چې د ښارجوړونې وزارت له لوري ورکول کېږي، په درې پوړونو کې چې ۴۰ درسي او اداري کوټې به ولري، جوړه شي.
بلخوا د غور پوهنتون سرپرست علي شهریار د سیمې اوسېدونکیو او د غور سیمهییزو چارواکو د دغه اقدام د ستاینې ترڅنګ وايي، مخکې یې د تدریسي ودانۍ نهموجودیت له کبله ګڼې ستونزې لرلې، خو اوس به له دغو اسانتیاوو نه ښه ګټه واخلي.
د غور پوهنتون محصلان شاوخوا ۶ کاله وړاندې د تدریسي ودانۍ نه لرلو له کبله په یوه کرايي کور او له تېر یوه کال راهیسې د پوهنتون د نجونو لیلیې کې زدهکړې کولې.
