د غزني پر دهیک ولسوالي موټربم برید؛ تراوسه ۳ کسان وژل شوي او ۹ ټپیان دي
د غزني د والي ویاند واحدالله جمعهزاده وايي، طالبانو نن سهار شاوخوا ۳ بجې له چاودېدونکو توکو ډک موټر د غزني د دهیک ولسوالي په مخ کې چاودلی دی.
د نوموړي په وینا، دغه چاودنه د دهیک ولسوالي د اپراسیون د آمر په ګډون، ۳ ملکیان وژل شوي او ۹ نور ټپیان دي.
د غزني د والي ویاند زیاتوي چې طالبانو په یاده ولسوالي کې پر څو نظامي مرکزونو هم برید کړی، خو په وینا یې، پر شا تمبول شوي دي.
د غزني د پولیسو ویاند احمدخان سیرت وايي، بېګاه د دغه ولایت په مرکز کې هم پر ډېرو امنیتي پوستو بریدونه شوي، خو تر اوسه یې د مرګژوبلې او نورو جزیاتو په اړه معلومات نشته.
طالبانو تر اوسه په اړه څه نه دي ویلي.
