د پوهنې ریاست د داخلي تفتیش ریاست په ۴۳۸۰ شمېرې مکتوب کې ـ چې د سلاموطندار لاس ته ورغلی ـ د غزني ولایت د پوهنې رییس په غیرقانوني کړنو، لاسوهنې او پهخپلخوښو ګومارنو تورن کړی.
دا مکتوب د ۱۳۹۷ لمریز کال د سنبلې پر ۲۴مه صادر شوی او په هغه کې راغلي چې د غزني پوهنې ریاست د تعلیمي اساساتو پخوانی امر نثاراحمد ازادزوی، د تعلیمي نظارت امر محمدعالم او د بشري منابعو عمومي مدیر محمداسماعیل یوسفزی د دې ریاست د ريیس محبالرحمان انصار نه شکایتشوې دوسیې اصلي اشخاص دي. د مکتوب په منځ کې راغلي، دا چې د ښاغلي انصار له ګومارل کېدلو یوازې ۵ میاشتې تېرېږي؛ هغه په «اداره کې د اصلاحاتو په نامه» پرته د قانون د احکامو له ارزونې په عقدهيي او سلیقوي ډول په مختلفو بستونو افراد ځای پرځای کړيدي.
د پوهنې وزارت د تفتیش داخلي ریاست د مکتوب په وروستي مخ کې راغلي چې د پوهنې رییس د مالي بودیجې په حیفومیل، د پوهنې ریاست د اجناسو او اموالو په غیرقانوني توزیع، غیرقانوني اجراتو، په غیرقانوني ډول د ښوونکیو د حقالزحمې په وېش او د حقالزحمهيي ښوونکیو د ګورمارنې د طرزالعمل په عدم رعایت کې لاس لري.
له پرلهپسې اړیکو وروسته بیا هم پهدې بریالي نهشو چې د پوهنې وزارت د تفتیش ریاست د مسوولانو د دې څېړنو او تورونو په اړه د هغوی توضیحات واخلو.
د پوهنې وزارت د خپرونو رییس کبیر حقمل د ښاغلي انصار د دوسیې په اړه وايي چې د دې دوسیې څېړنه ډېر وخت نیسي او کله چې تورونه ثابت شي؛ د پوهنې له رییس سره به قانوني چلند وشي.
خو د غزني د پوهنې رییس د دې ادارې څېړنې غرضي بولي او وايي، حاضر دی چې غزني پوهنې ریاست کې د څوو میاشتو د کړي خدمت دفاع وکړي. ښاغلی انصار د کنايې په ډول سره وايي چې ناوې ولسوالۍ ته د ۲۷ خېمو لېږل او ۱۲ تازه تاسیس شویو ښوونځیو ته د یو اندازه کتابونو او قرطاسیو لېږل، د پوهنې ریاست له کلیدي بستونو د مفسدو کسانو لېرې کول او پرځای یې نور ګومارل او په ۱۴۰۰ موقتي بستونو باندې د ښوونکیو په توګه د بېکاره ځوانانو ګومارل هغه موارد دي چې د تفتیش پلاوی یې غیرقانوني کړنې او ناسالم مدیریت ګڼي.
د غزني په اداري واحدونو کې د پوهنې ریاست له جنجالونو ډک ځای لري: ځېنې د دې ادارې له کارونو او اصلاحاتو ستاینه کوي او خېنې بیا دا اداره په بډو او فساد تورنوي.
