.jpg)
سلاموطندار داسې اسناد ترلاسه کړي چې ښيي، د ولسمشرۍ ماڼۍ د چارو ادارې د درېیوو بستونو ځېنو کارکوونکیو، د مسوولانو سلیقوي چلند او د واکمن سیاسي وضعیت په دلیل ـ چې د مخالفې جبهې کارکوونکیو لهپاره یې فضا تنګه کړې ـ په ډلهییزه توګه دغې اداره کې خپلو څوکیو څخه استعفا کړېده.
مدارک ښيي چې د ملګرو ملتونو په چارو کې د ولسمشرۍ ماڼۍ د لوړپوړي مشاوریت پخواني کارکوونکي هُما سعادت، کمالناصر همیار، عبدالمبشر احمدي او عبدالخالق عباسي، د دې ادارې له لغوه کېدو وروسته د ولسمشر غني د حکم پر بنسټ د چارو ادارې کې تعین بست شويدي؛ خو د څوو میاشتو په تېرېدلو هغوی له دې ادارې څخه استعفا ورکړېده.
د استعفا لیک یوې برخه کې راغلي چې د ملګرو ملتونو په چارو کې د لوړپوړي مشاوریت یو شمېر کارکوونکي ـ چې د کاري وړتیا لرلو او د پاموړ لاستهراوړنو لرلو په دلیل د چارو ادارې کې ځای پرځای شوي ـ خو د کارکوونکیو په ځانګړې توګه د دې ادارې د رهبرۍ غړیو د اصولو خلاف ناوړه چلند د دې لامل شوی چې دوی په ډلهییزه توګه استعفا ورکړي.
.JPG)
د دې ترڅنګ، سلاموطندار ته رسېدلي نور اسناد په ډاګه کوي چې د ولسمشرۍ ماڼۍ د چارو ادارې د دفتر ریاست، له هغو مواردو ـ چې هغوی خپل استعفالیک کې د ستونزې په توګه یاد کړي ـ کومه یادونه نهده کړې او یوازې یې لیکلي: «درناوی د هما سعادت، کمال ناصر همیار، عبدالمبشر او عبدالخالق عباسي په نومونو هر یو د اداري ستونزو په اساس د جمهوري اسلامي افغانستان د چارو ادارې عمومي ریاست ته پیشنهادي پاڼه کې د خپلې استعفا د منظورۍ غوښتنه کړېده.»
د ولسمشرۍ ماڼۍ د چارو ادارې عمومي مشر سیدعبدالوحید قتالي هم د موضوع څرنګوالي، د لیکنې ډول او هغه څه ته چې د دغه شمېر کارکوونکیو د ډلهییزې استعفا د اقدام لامل شوی له پام کولو پرته، لیکي چې د محترمو هُما سعادت، کمال ناصر همیار، عبدالمبشر او عبدالخالق عباسي استعفا منظور ده.
پهدې اړه مو په پرلهپسې ډول د چارو ادارې د چارواکیو نظر اخېستلو هڅه وکړه؛ خو بیا هم بریالي نهشولو.
د چارو ادارې ته یو شمېر نږدې سرچینې هم سلاموطندار ته وايي چې د سیاسي او قومي واکمن وضعیت ترڅنګ، د چارو ادارې فضا انتخاباتي شوې او هر هغه څوک ـ چې دغه وضعیت سره مخالفت وکړي ـ په بېلا بېلو پلمو له دندې ګوښه کېږي.
ورته مطالب:
پکتیکا؛ پر یو وکیل د ځمکو د غصب او له بایومتریک الې نه د ناسمې استفادې تور
