کابل کې د ښوونځيو زدهکوونکيو کورنۍ په دولتي ښوونځیو کې د زدهکوونکيو د کورنیو غړیو ناستو له نه ترسره کېدو شکایت کوي.
د کابل په دولتي ښوونځیو کې د زدهکوونکيو د کورنیو جلسې نه ترسره کېدل، په پوهنې وزارت د زدهکوونکيو کورنیو نیوکو لامل شوی.
سمیرا هغه مېرمن ده چې دوه ماشومان یې د کابل په یو دولتي ښوونځي کې درس وايي. دا د خپلو اولادونو د درسونو په اړه معلومات ځکه نهلري چې په ښوونځي کې د والدینو جلسه نه کېږي چې د درسي وضعیت، حاضرۍ او غیرحاصرۍ په اړه معلومات ترلاسه کړي.
مېرمن سمیرا زیاتوي، نور لا څه چې حتا د ښوونکیو ټلیفوني شمېره هم نهلري.
د هغې په وینا، ځېنې ښځینه او نارینه ښوونکي وايي، اجازه نهلري چې د ټلیفون شمېرې د زدهکوونکیو کورنیو ته ورکړي او پهدې تړاو په زدهکونکو باور نهشي کولی.
خو په خصوصي ښوونځیو کې وضعیت توپیر کوي او ډېرو خصوصي ښوونځیو کې په اوونۍ کې یو ځل د والدینو جلسه کېږي.
کابل کې د یو خصوصي ښوونځي مدیر یاسین ظفري وايي، هره میاشت خپل ښوونځي کې د زدهکوونکیو د کورنیو جلسه کوي او موخه یې هم ښوونه او روزنه کې د ښوونځي او کور چاپېریال همغږي کول دي.
خو هغه پلرونه او میندې چې اولادونه یې خصوصي ښوونځيو کې درس وايي، بل نظر لري. د یوه زدهکونکي پلار منصور پهدې باور دي چې دې ښوونځيو کې د والدینو جلسې د پیسو په پار دي چې د زدهکوونکیو له کورنیو یې اخلي، نه دا چې خصوصي ښوونځي مسوولیتمنونکي دي.
د زدهکوونکیو کورنۍ له پوهنې وزارت غواړي چې د دې ستونزې هواري لهپاره عملي او جدي ګامونه اوچت کړي.
د پوهنې وزارت د سواد زدهکړې معین سردارمحمد رحیمي وايي، د افغانستان د پوهنې نظام کې د ښوونځیو شورا او د زدهکوونکیو د کورنۍ شورا دواړه شته چې موخه یې هم هېواد کې د پوهنې کیفیت کچې لوړول دي.
خو د ښاغلي رحیمي په وینا، ډېری ښوونځیو کې دې برخې ته هېڅ پام نه کېږي.
د ده په خبره، هڅه کوي چې د والدینو شورا فعاله کړي چې د زدهکوونکیو کورنۍ د زدهکړو له کیفیت نه نظارت وکړي.
د پوهنې برخه کې د دولت او نړۍوالو همکارانو له لوري شوو کارونو ته په پام، لا هم د پوهنې وزارت یو لړ لوړو ژورو او پخواني جوړښت سره مخ دی.
د هېواد د پوهنې په نظام کې پخوانی جوړښت د دې لاملېږي چې د پوهنې وزارت په کړنو ډېر کم بحث وشي، په همدې دلیل د زدهکوونکیو د کورنیو جلسه او هر هغه څه چې د پوهنې نظام په چوکاټ کې بحثېږي، تر اوسه پورې نهدی بنسټیز شوی.
