د کانونواو پېټرولیم وزارت ویاند عبدالقدیر مطفي سلاموطندار ته وویل چې په دوبۍ کې درې ورځنی نړیوال کنفرانس په اقتصادي سکټور کې د پانګونې د جذب او په افغانستان کې له شته فرصتونو د ګټې اخېستنې لپاره جوړ شوی و.
د نوموړي په وینا، په دغه کنفرانس کې د سوداګرۍ او صنایعو او د کانونو او پېټرولیم وزارتونو چارواکیو او د ۱۵۰ نړیوالو شرکتونو استازیو ګډون کړی و چې د کانونو او پېټرولیم وزارت پهکې ۴۳ پروژې چې د کرومایټو، مسو او نورو منرالونو په برخه کې دي، اعلان کړې.
مطفي زیاتوي، افغان چاراکیو د یاد کنفرانس ګډونوالو ته د خپلو اصلاحاتي تګلارو په اړه هم معلومات ورکړل.
د کانونواو پېټرولیم وزارت د ویاند په وینا، د افغانستان استخراجي سکټور ته د نړیوالو سوداګرو لېوالتیا ډېره وه او یاده غونډه پرون پای ته ورسېد.
اړوند مطالب:
