خوست کې د ځېنو نوماندانو څارونکیو او ملاتړو د ټاکنو خپلواک کمېسیون ولایتي دفتر دروازه ځکه وتړله چې وایي، له لږ شمېر ناپاکو رایو سره دې زیاتې پاکې رایې نه باطلېږي.
یو معترض نقیب سیال دعوه کوي چې ځېنو د کمو رایو والا نوماندانو د فشار له امله کمېسیون ټولې رایې باطلوي. دوی ادعا کوي چې پهدې چاره کې هغه وکیلان لاس لري چې کمې رایې یې وړې دي.
خو د ځېنو نورو نوماندانو پلویانو له ډلې اکبرجان یاسیني وایي، هغه رایې چې له نوملړ او بایومتریک پرته صندوقونو ته اچول شوي؛ باید باطلې شي.
خو د خوست د ټاکنیزو شکایتونو څېړنې کمیسېون مشر عبدالله انصاري وایي چې دوی د خپل مرکزي دفتر له لارښوونې سره سم له هر نوماند سره د لس رایو همکاري کولی شي.
خوست کې د ولسي جرګې ۵ څوکیو لهپاره د دوو ښځینهوو په ګډون ۵۵ کسانو ځانونه نومولي دي.
د ځېنو خوستوالو په خبره، ډېر کله هغه نوماندان او ملاتړي یې د ټاکنو کمېسون سره لانجې کوي چې کمې رایې یې وړې وي.
