د اسلامي جمعیت ګوند اجرايوي رییس عطامحمد نور او ولسمشرۍ ته نوماند محمدحنیف اتمر د پخواني ولسمشر د لومړي مرستیال محمدقسیم فهیم د مړینې په یادغونډه کې چې په مزارشریف کې جوړه شوې وه وویل، د محمداشرف غني د ولسمشرۍ دوره د جوزا په لومړۍ پای ته رسېږي او له یادې مودې وروسته باید لنډمهالی یا سرپرست حکومت جوړ شي.
نور وايي، د جوزا میاشتې له لومړۍ نېټې وروسته یوه ورځ هم اشرف غني ته اجازه نه ورکوي چې د جمهوري ریاست پر څوکۍ پاتې شي او سیاستوال باید د رامنځته کېدونکې تشې ډکولو په اړه غور وکړي.
په همدې حال کې محمدحنیف اتمر هم د جوزا له لومړۍ وروسته د لنډمهالي یا سرپرست حکومت پر جوړېدو ټینګار کوي.
اړوند مطالب:
اتمر: سرپرست حکومت دې جوړ شي
اتمر: سوله او د مشرتابه بدلون مو اصلي موخه ده
د نوموړي په وینا، په هېواد کې د تشې رامنځته کولو په لټه کې نهدي، خو یو لنډمهالی یا سرپرست حکومت غواړي چې د سولې او ټاکنو لپاره کار وکړي او دا مو لومړیتوب دی.
بلهخوا محمدیونس قانوني وايي، که څه هم د سولې پر پروسې ټینګار کوي، خو وايي په یاده پروسه کې پر اساسي قانون او د تېرو ۱۸ کلونو پر لاستهراوړنو ورته معامله د منلو نهده.
خو د ولسمشر د ویاند مرستیال شاهحسین مرتضوي د بلخ غونډې خبرو ته له اشارې پرته، دا ډول غونډې له وخت مخکې ټاکنیزه کمپاین په ګوته کړه.
دا په داسې حال کې ده چې د غني سیاسي مخالفانو هم څو ځله نوموړی له وخت مخکې پر ټاکنیز کمپاین تورن کړی دی.
