ټاکل شوې وه، د سید نورالله عماد په مشرۍ د افغانستان اسلامي جمعیت ګوند انسجام شورا د دغه ګوند د سیاست معرفي کولو او د دې ګوند کنګرې جوړېدو څرنګوالي په موخه کابل کې ستره غونډه وکړي.
د دغې غونډې د پیل لومړیو شېبو کې د سلګونو ګډونوالو لهپاره د ښاغلي عماد انځوریز پیغام خپور شو.
خو د عماد له پیغام وروسته، یوشمېر ګډونوالو د حکومت ضد شعارونو ورکولو سره دغه غونډه په تاوتریخوالي بدله کړه.
د اسلامي جمعیت ګوند د انسجام شورا مشر سید نورالله عماد، د مجاهدینو له مشرانو دی، چې د یو څه وخت لهپاره د دغه ګوند مرستیال هم پاتې شوی دی.
ویل کېږي ۱۳۹۰ لمریز کال کې د جمعیت له لوري د عمومي مجمعې تدارکاتو کمېسیون له جوړولو وروسته د انسجام شورا واک دغه کمېسیون ته ورولېږدل شو، چې دغې شورا د ګوند له مشرۍ سره مخالفت پيداکړ.
سره له دې چې اسلامي جمعیت ګوند د ارګ له لوري د بلخ له ولایت څخه د دغه ګوند د اجرایوي مشر عطامحمد نور له لېرې کولو سره مخالفت وکړ، خو د سیدنورالله عماد په مشرۍ د دغه ګوند د انسجام شورا غړیو له ولسمشر اشرف غني سره یوې غونډه کې د ولسمشرۍ ماڼۍ له پرېکړې ملاتړ اعلان کړ.
