د بغلان والي احمدفرید بسیم د یوې خبري غونډې پر مهال وویل، د دغه ولایت پر امنیې قومانداني د تېرې ورځې برید د پاکستان د استخباراتو (ایاېسای) له لوري پلان شوی و چې له کبله یې ۱۸ سرتېري وژل شوي او شاوخوا ۵۰ کسان چې نظامیان او ملکیان پهکې شامل وو، ټپیان شوي دي.
د نوموړي په وینا، افغان ځواکونه به ډېر ژر له طالبانو د دغه برید غچ واخلي او د بغلان په بېلابېلو سیمو کې به د هغوی پروړاندې نظامي عملیات پیل کړي.
په همدې حال کې د ۲۱۷ پامیر قولاردو د درېیمې لوا قوماندان عباس توکلي سلاموطندار ته وویل چې ۸ بریدګرو د بغلان پر امنیې قومانداني برید کړی و او له ۵ ساعته نښتې وروسته د هغوی پر وژل کېدو پای ته ورسېد.
اړوند مطالب:
بغلان؛ پر امنیه قومانداني برید کې ۶ کسان وژل شوي او نږدې ۵۰ ټپیان دي
بلهخوا د بغلان په عامې روغتیا ریاست کې ځینو سرچینو سلاموطندار ته ویلي چې د ۲۱ سرتېرو د جسدونو ترڅنګ، ۶۶ ټپیان چې ۱۴ یې ښځې، ۴ ماشومان او ۴۴ هم نظامیان دي، روغتون ته ور وړل شوي دي.
بریدګرو پرون غرمه مهال شاوخوا ۱۲ بجې د بغلان ولایت پر امنیې قومانداني ډلهيیز برید وکړ او قوماندانۍ ته څېرمه یې د یوه موټر چاودلو وروسته د قوماندانۍ ودانۍ ته ورننوتل او هلته له افغان ځواکونو سره په جګړه اخته شول.
