د افغانستان د برښنا شرکت وايي، په پام کې لري چې د یو کال په موده کې د کابل ـ ننګرهار پر لویه لار پروت د نغلو د برښنا بند د تولید ظرفیت ۱۰۰ ميګاواټو ته لوړ کړي.
د افغانستان د برښنا شرکت د راپور پر بنسټ دغه شرکت د نغلو برښنا بند د بیارغولو پروژې له پاره، د " Inter-rao" له نړیوالې معتبرې روسي کمپنۍ سره، د ۶،۶ میلیون امریکایي ډالرو په ارزښت تړون لاسلیک کړ.
د افغانستان بريښنا شرکت په خپله رسمي پاڼه کې کې ليکلي، چې دغې پروژې تړون د افغانستان برښنا شرکت د عمومي اجرایوي رییس قدرت الله دلاوري او د Inter-rao کمپنۍ د مشر ترمنځ د افغانستان برښنا شرکت په مرکزي دفتر کې لاسلیک شو.
د راپور پر بنسټ په دغه پروژه کې به د نغلو برښنا بند د لومړي ماشین رغول، په بنسټیزه توګه د درېیم ماشین جوړول، د لازمو او اړینو پُرزو چمتو کول شامل دي.
همدارنګه په راپور کې کښل شوي، چې ددغې ټول ګټې پروژې مجموعی قیمت ۸،۴ میلیون امریکایي ډالر دی، چې ۲،۲ میلیونه ډالر د سلاکاري کمپنۍ له پاره په پام کې نیول شوې دي او د آسیا پراختیایي بانک له خوا د افغانستان دولت سره د شویو مرستو څخه ورکول کیږي.
د ویلو ده، چې د یادې پروژې چارې به د شاوخوا یو کال په لړ کې بشپړې شې، چې له ګټې اخیستنې سره سم به د برښنا په برخه کې د زرګونو هیوادوالو ستونزې هوارې شي.
یاده دې وي، چې اوسمهال د نغلو د برښنا بند د تولید ظرفیت ۷۵ میګاواټه برښنا ده، چې د دغې پروژې له تطبیق وروسته به ۱۰۰ دغه ظرفیت ۱۰۰ میګاواټو ته لوړ شي.
