د بروکسل د " زاویتنیم" په هوايي ډګر او د مټرو په تمځای کې چاودنو ۲۳ تنه ووژل او ۳۵ تنه نور یې ټپیان کړل.
دغه چاودنې د بروکسل په وخت نن (سه شنبه) ګهیځ اته بجې شوي دي.
د ډاون خبري اژانس په حواله د " زاویتنیم" هوايي ډګر کې له لومړنۍ چاودنې وروسته د دویمې چاودنې غږ هم اورېدل شوی دی.
د راپورونو له مخې دویمه چاودنه د " مایل بیک" په مترو کې رامنځته شوې ده؛ دغه مترو د اروپايي اتحادیې ودانۍ ته څېرمه موقعیت لري.
د چاودنې سیمه د بلژیک پولیسو له لوري کلابنده شوې ده.
د راپورونو پر بنسټ د چاودنې له سیمې د ډزو غږونه هم اورېدل کېدل او ورسره سم له هماغه ځایه په عربي ژبه په لوړ غږ سره خبرې کېدې.
د ویلو ده، چې تر اوسه د چاودنې اصلي عامل نه دی معلوم شوی.
