د بدخشان کوهستان ولسوالۍ امنیتي مسوولان وايي، دغه ولسوالۍ د طالبانو لهخوا کلابنده شوې او یوازې د ولسوالۍ مرکز د حکومت په واک کې دی.
د کوهستان امنیې قوماندان قربان محمد سلاموطندار ته وویل، بېګا د شپې له یوې بجې راهیسې طالبانو د دې ولسوالۍ د نیولو لهپاره له څلورو خواوو بریدونه پيل کړي دي.
د امنیې قوماندان وايي، که ژرترژره مرستندویه ځواکونه راونه رسېږي؛ ولسوالۍ د طالبانو لاس ته ورځي.
په دې اړه د بدخشان ولایت د امنیې قوماندانۍ د امنیت امر سید جهانګیر کرامت وايي، مرستندویه ځواکونه لېږل شوي دي او ډېر ژر به طالبان مات کړي.
بلخوا ذبیحالله مجاهد چې ځان د وسلهوالو طالبانو ویاند بولي رسنیو ته ویلي، د کوهستان ولسوالۍ امنیې قوماندانۍ یې نیولې ده.
