د بدخشان د بشري حقونو کمېسیون ولایتي دفتر او د ښځو چارو ریاست په محلي حکومت کې د ښځو له کمښته اندېښمن دي.
د بدخشان د بشري حقونو کمېسیون ولایتي دفتر مسووله عارفې نوید سلام وطندار ته وویل چې د دې ولایت په محلي اداره کې د ښځو د ګډون په اړه د دولتي او غیردولتي ادارو پلټنې ښيي چې د ښځو په موجودیت کې د پام وړ کموالی راغلی دی. د اغلې عارفې په وینا، پهدې اړه د حکومت بېپامي او د دې وضعیت تداوم اندېښمنوونکی دی.
د دې ولایت د ښځو چارو ریاست مسوولان هم وايي، لهدې ریاست پرته په هېڅ بله حکومتي اداره کې ښځینه کارکوونکې نهشته.
د بدخشان د ښځو چارو سرپرسته رییس نسرین روفي وايي، په حکومت د ښځو د ۳۰ سلنې د حضور په اړه د حکومت ژمنه نهده عملي شوې.
د بدخشان د ولایتي شورا غړې فرحناز پامیري هم وایي، د ښځو د ګډون په اړه د دوی هېڅې بېپایلې وې او محلي حکومت د ښځو د ډېرې والي په اړه خپلې ژمنې نهدي علمي کړي.
پهدې ولایت کې د ښځو د حقونو ملاتړې وايي،په بدخشان کې د کار لهپاره ډېرې باسوادې او وړ ښځې شته؛ خو د نا امنیو او د ښځو د فعالیت میدان افراطي کېدا له امله یې له بل هر وخت د دوی د پرمختګ مخه ډب کړېده.
