.jpg)
د افغانستان ښځینه معلولانو وېلچيرباسکېټبال ملي لوبډلې نن د تایلنډ په کوربتوب باسکېټبال سیالیو کې لاووس هېواد ښځینه ملي لوبډلې ته هم ماتې ورکړه.
د افغانستان د پارا المپیک کمېټې د رسنیو مسوول کبیرخوشبین وایي، د افغانستان ښځینه معلولانو وېلچیرباسکېټبال ملي لوبډلې نننۍ سیالۍ کې لاووس لوبډلې ته ۴۰ د ۱۶ امتیازونو پر وړاندې ماتې ورکړه.
د افغانستان ښځینه لوبډلې پرون د دې غوراوي پړاو سیالیو په لومړۍ لوبه کې د هندوستان ښځینه معلولانو وېلچیر باسکېټبال ملي لوبډلې ته هم ۵۴ د ۶ امتیازونو پر وړاندې ماتې ورکړېوه.
کبیرخوشبین زیاته کړه، د دې سیالیو په دوام به افغان ښځینه ملي لوبډله په راتلونکې درېیمه لوبه کې سبا د کمبودیا ښځینه معلولانو وېلچیر باسکېټبال ملي لوبډلې سره سیالۍ وکړي.
.jpg)
د تایلنډ په کوربتوب د پیلشویو باسکېټبال سیالیو موخه د سږکال (پارا المپیک) اسیایي سیالیو ته د غوره لوبډلو لار موندل دي چې د روان کال په اکتوبر کې به په اندونیزیا کې وشي.
د افغانستان ښځینه معلولانو وېلچیرباسکېټبال ملي لوبډلې پهدې وروستیو کې خورا پرمختګ کړی چې تېرکال یې د اندونیزیا په کوربتوب د (بالي) کپ سیالیو اتلولي هم ګټلې وه.
د تایلنډ په کوربتوب په اسیایي غوراوي وېلچیرباسکېټبال سیالیو کې د افغانستان نارینه معلولانو باسکېټبال ملي لوبډلې هم برخه اخیستې چې نن یې د چاینیزټايپي هېواد له معلولانو باسکیټبال ملي لوبډلې سره سیالي وکړه.
د افغانستان نارینه معلولانو وېلچیرباسکېټبال ملي لوبډلې دغه سیالۍ ښې نهدي پیل کړي چې په لومړۍ لوبه کې یې ۲۵ د ۷۱ امتیازونو پر وړاندې کوربه تایلنډۍ لوبډلې په مقابل کې ماتې خوړلې ده.
د تایلنډ په پلازمېنې بنکاک کې په روانو اسیایي پارا المپیک غوراوي پړاو سیالیو کې ۶ ګډونوالې ښځینه لوبډلې په (لیګ) بڼه او ۸ ګډونوالې نارینه لوبډلې بیا په ۲ ګروپونو کې لوبېږي چې د مارچ پر ۱۱مه نېټه به اتلو لوبډلو په اعلان سره پای ته ورسېږي.
