ولسمشرۍ ماڼۍ په یو پیغام کې لیکلي چې ښاغلي غني د یو حکم پر بنسټ د اوبو او نرژۍ وزیر علياحمد عثماني له دندې ګوښه کړ.
پهدې حکم کې راغلي چې د ښاغلي عثماني پرځای د دې وزارت د انرژي معین د سرپرست په توګه تعیین شویدی.
د ولسمشر او د اوبو او انرژۍ وزیر ترمنځ کشمکشونه هغه وخت رسنیز شول چې ښاغلی عثماني د ټاپي پروژې پرانېستې ته ونه بلل شو.
ښاغلی عثماني پهدې دوران کې د ولسي جرګې له استیضاح پهداسې حال کې تېر شو چې د جرګې ځېنو غړیو دا استیضاح غیر قانوني وبلله؛ خو د ولسي جرګې د دارالانشا رییس عرفانالله عرفان د اوبو او انرژۍ د وزیر استیضاح د پروژو په تطبیق کې کمکاري او د هرات د پاشدان بند، د فاریاب المار او د پکتیا د چلغو بند په کارونو کې ناغېړي وګڼله.
څو اوونۍ مخکې هم د هوايي ډګر امنیتي ځواکونو ښاغلي عثماني ته له کابله هرات ته د دوو مهمو پروژو پرانېستې ته د تګ اجازه نه وه ورکړې. لهدې ممانعت وروسته سلام وطندار ته یوې باوري سرچینې وویل چې ښاغلی عثماني د ولسمشرمحمداشرف غني په دستور له سفره ګرځول شویدی.
