د امریکا د پوځ لوی درستیز جنرال جوزیف ډانفورد په ناڅپي سفر کابل ته رارسېدلی؛ دا په داسې حال کې ده، امریکا د افغانستان له‌پاره پر نوې استراتېژۍ کار کوي.

د ریپوټونو له مخې، د دې سفر موخه د افغانستان له‌پاره د امریکې کړنلارې په وروستیو موادو کار وشي.

له دې مخکې د امریکا ولسمشر ډونالډ ټرمپ پنټاګون ته واک سپارلی و، چې افغانستان ته د نویو سرتېرو د استولو په پلان کار وکړي.

دغه راز ویل شوي، چې د افغانستان له‌پاره د امریکې په نوې کړنلارې کې په پاکستان فشارونه زیات شوي، ترڅو په هغه هېواد کې د طالبانو، حقاني شبکې او نورو نړیوالو ترهګرو خوندي پټن ځایونه له منځه یوړل شي.

په دې کړنلاره کې افغانستان ته د نورو سرتېرو په رالېږلو هم کار شوی دی.