بېړنیو پېښتو ته د رسېدنې په چارو کې د دولت وزارت چارواکو له زلزلې د خوندیتوب تمرین اجرا کولو پرمهال وویل، چې له دې تمرین څخه موخه د زلزلې په وخت ښوونځیو کې د زدهکوونکو د ځانونو خوندیتوب دی.
طبیعي پېښو ته د رسېدنې په برخه کې د دولت وزیر ویس احمد برمک په دې غونډه کې وویل، چې دغه پروګرام په کابل کې د زدهکوونکو د ځانونو خوندیتوب لهپاره د ایران په مرسته جوړ شوی دی.
د برمک پرخبره، په تېرو ۱۵ کلونو کې د زلزلې پرمهال د ځان ژغورنې په موخه دا ډول پروګرام نه و ترسره شوی.
د کابل د پوهنې رییس سید منصور د دا ډول پروګرامونو جوړول ګټور وبلل.
سید منصور وویل، د زلزلې له ګواښه د زدهکوونکو د خوندیتوب پروګرامونه باید نورو ولایتونو ته هم وغځول شي.
د کابل د پوهنې رییس په دې برخه کې له اړوندو بنسټونو سره د هر ډول همکاریو ژمنه وکړه.
