د امریکا په مشرانو جرګې کې د جمهوري غوښتونکیو رهبرۍ د امریکا ولسمشر ډونلډ ټرامپ له لوري له افغانستان او سوریې نه د امریکايي ځواکونو د ایستلو نادرې پرېکړې پر خلاف یو مسوده تصویب کړه.
د امریکا د دیموکراتانو او جمهوري غوښتونکیو مهمو ګوندونو غړیو په ملي شورا کې د رایو په اکثریت سره تصویب کړه چې پهدې دواړو هېوادونو کې وسلهوالې ډلې «د متحده ایاالتو امنیت» ته جدي ګواښ دی.
دا اصلاحات تاییدوي چې د اسلامي دولت او القاعده وسلهوالو ډلو سره په مبارزه کې پرمختګ شویدی؛ خو ویل کېږي چې د امریکايي ځواکونو له وتلو سره ممکن دا سیمه بېثباته شي او له لازمو اقداماتو پرته «چټک وتل» د هغې خلا راپيدا کېدل زیاتوي چې ممکن د روسیې یا ایران له لوري ډکه شي.
دې مسودې د امریکا متحده ایالاتو له دولته د داسې شرایطو غوښتنه کړې چې د وسلهوالو ډلو «تلپاتې ماته» پیشبیني کړي چې له افغانستان او سوریې نه مخکې د امریکايي ځواکونو له وتلو مخکې پېښه شي.
دا مسوده د جمهوري غوښتونکیو د اکثریت برخې مشر میچ مک کانل له لوري ـ چې د ټرامپ او د هغه د سیاستونو په اړه غوڅ دریځ لري؛ طرحه شوېده.
ښاغلي کانل په افغانستان او سوریې کې وسلهوالې ډلې او القاعده د خپلو ځواکونو او په ټوله کې د امریکا لهپاره ستر ګواښ بللی دی.
بل جمهوري غوښتونکي سناتور مارکو روبیو وايي چې د امریکایي ځواکونو د ویستلو په اړه د ټرامپ «نظر بد» دی.
ولسمشر ټرامپ د تېر زېږدیز کال د ډېسمبر پر ۱۹مه د امریکا سیاستوال او نړۍوال متحدین حیران کړل چې په سوریه کې د عرب او کردستان اتحاد سره د داعشیانو پر وړاندې جګړه کې ښکېل ټول ۲۰۰۰ امریکایي سرتیري وباسي.
د امریکا د مرستیال ولسمشر مایک پینس په ګډونو ډېرو چارواکیو ویلي چې ولسمشر ټرامپ له افغانستان د ځېنو د امریکايي ځواکونو د وتلو لهپاره «د ارزونې بهیر» پيلوي.
دا مهال په افغانستان کې شاوخوا ۱۴زره امریکايي ځواکونه مېشت دي چې له افغان امنیتي ځواکونو سره د مشورې او پوځي تجهیزاتو په برخه کې مرسته کوي.
