نن په کابل کې افغان ـ پُست او مخابراتو او معلوماتي ټکنالوژۍ وزارت د اترا ادارې پهخپلو کې هوکړهلیک لاسلیک کړ چې پر بنسټ به یې افغان ـ پُست اداره د اوسنیو خدمتونو ترڅنګ ځېنې نور خدمات هم عرضه کړي.
افغان ـ پُست به وروسته له دې، د پیسو لېږل، د کورنو بیمه، سوداګري او د ویسترن یونین خدمتونه، د پاسپورټ د لېږدولو خدمتونه، د موټرو بیمه، د برېښنا، د ګازو او د اوبو د لګښت تحویلولو خدمات هم وړاندې کوي.
د مخابراتو او ټکنالوژۍ وزارت تخنیکي مرستیال سیداحمدشاه سادات وايي چې د دې هوکړهلیک په لاسلیکولو سره د افغان ـ پُست کارونه عصري کېږي او د هېواد ټولې پُستهخانې له مرکزي پُستهخانو سره د نوري فایبر له لارې وصلوي.
د اترا ادارې مرستیال نقیبالله سېلاب د دې هوکړهلیک لاسلیکولو موخه د ټکنالوژۍ له لارې د خدماتو عرضه کول ګڼي او تر ۲۰۲۲ کاله پورې به د هېواد ۵۰ سلنه وګړيو ته ټکنالوژي په ځانګړي ډول د انټرنېټ اسانتیاوې ورسوي.
د افغان ـ پُست د عصري کولو لګښت اترا اداره ورکوي.
