.jpg)
د افغان ـ ترک ښوونځیو مدیریت رسما د ترکیې دولت ته وروسپارل شو. دغه پرېکړه د اقتصاد، پوهنې، بهرنیو چارو او عدلیې وزارتونو او د ملي امنیت شورا او د ملي امنیت لوی ریاست ګډ کمېسیون لهخوا شوې ده.
د ترکیې د پوهنې وزیر عصمت یلماز وايي، له دې وروسته د افغان ـ ترک ښوونځیو کیفیت به له دې هم زښت ښه او د ښوونځیو شمېر به یې هم زیات شي.
ښاغلي یلماز دغه راز وویل، چې د شهیدانو کورنیو غړیو ته ۱۰ سلنه تخفیف ځانکړی کوي او ټولټال به د دې ښوونځیو په فیس کې ۲۰ سلنه کموالی راشي.
د پوهنې وزارت د خپرونو رییس کبیر حقمل وايي، دغه پرېکړه د افغانستان په ګټه او د دواړو هېوادونو د اړیکو ښه کېدو په برخه کې ښه ګڼي.
.JPG)
خو د افغان ـ ترک ښوونځیو د کورنیو غړي دغه لېږد ناقانونه بولي.
د افغان ـ ترک ښوونځیو د زدهکوونکیو کورنیو غړیو د دغې پرېکړې له عملي کېدو وروسته په کابل کې د افغان ـ ترک په ښوونځیو کې د تحصن خېمه درولې. ټاکل شوې دغه کورنۍ سبا ته لاریون وکړي.
د افغان ـ ترک ښوونځي په تېرو ۲۰ کلونو په ځانګړي ډول په دغو لسو کلونو کې ترټولو باکیفیته ښوونځي دي. د دغو ښوونځیو زدهکوونکیو په بېلابېلو نړیوالو سیالیو کې ښې لاسته راوړنې لري.
