د سوداګرۍ خونې مرستیال خان جان الکوزي په کابل کې د قزاقستان ـ افغانستان سوداګرۍ نښلولو په تړوا جوړې شوې غونډه کې وویل، د دواړو هېوادونو سوداګریزې هڅې د پخوا په پرتله پراخې شوي دي.
الکوزی وايي، د افغانستان ـ قزاقستان ترمنځ سوداګري ۴۰۰ میلیونو ډالرو ته رسیږي، چې له ۴۴ ډېرو قزاقي شرکتونو په افغانستان کې ۳۰ میلیونه ډالره پانګونه کړې ده.
د سوداګرۍ خونې مرستیال وویل، د دواړو هېوادونو ترمنځ د سوداګریزو توکو لېږد کې ستونزې شته، چې په حلولو سره به یې د افغان ـ قزاق سوداګري څو برابره زیاته او سربېره په دې به د افغانستان، روسیې او چین ترمنځ سوداګریزې اړیکې به پیاوړې شي.
غونډه کې د قزاقستان د پانګونې رییس اسکرارینوف د دواړو هېوادونو ترمنځ د اقتصادي همکاریو په برخه کې ژمنه وکړه او ویې ویل، په دې اړه به عملي ګامونه اخلي.
د سوداګرۍ او صنایعو خونې مسوولین له حکومته د سوداګریزو اړیکو په برخه کې د زمینې برابرولو غوښتنه کوي.
د افغانستان ــ قزاقستان نښلوونکې سوداګريزه غونډه کې د دواړو هېوادنو سوداګر او چارواکي مخامخ خبرې اترې کوي.
