د اندونیزیا بوګور ښار نن ورځ د افغانستان، اندونیزیا او پاکستان دیني عالمانو ناستې کوربه دی.
د دې غونډې ګډونوالو په افغانستان کې له ښکېلو خواوو وغوښتل د سولې له پروسې سره یوځای شي.
د غونډې په ګډې اعلامیه کې ټینګار شوی چې نه باید ترهګري او تاوتریخوالی هېڅ دین، قوم، ملت او کومې ډلې ته نسبت ورکړل شي.
د افغانستان د عالمانو شورا رییس قیامالدین کشاف په مشرۍ یو ۲۰ کسیز پلاوي د اندونیزیا په غونډه کې ګډون کړی دی.
په افغانستان کې سوله او ټیکاوو او له دیني اړخه د روان تاوتریخوالي څېړنه د یادې غونډې اصلي محور بلل شوی دی.
د غونډې پرانیستي پرمهال د اندونیزیا ولسمشر جوکو ویدودو له ګډونوالو وغوښتل چې په افغانستان کې د سولې ټینګښت په برخه کې هڅه وکړي.
ورته وخت کې طالبانو په دغې غونډې کې د ګډون سره مخالفت څرګند کړی دی.
