په پام کې ده، چې د افغانستان د کرکټ ملي لوبډله یو ځل بیا زمبابوې هېواد ته سفر وکړي.
د معلوماتو لهمخې د روان (۲۰۱۷ کال د فیبرورۍ په ۱۶مه نېټه) به د افغانستان او د زمبابوې کرکټ ملي لوبډلو ترمنځ پنځه ۵۰ اوریزه سیالۍ پېل شي.
د کریک انفو ویبپاڼې لیکلي، چې د دغه سفر دویمه لوبه به د فیبرورۍ په ۱۹ مه، درېیمه په ۲۱مه ، څلورمه په ۲۴ مه او د سفر وروستۍ لوبه به د فیبرورۍ په ۲۶ مه نیټه ترسره شي.
ویل کیږي، چې زمبابوې کرکټ بورډ هڅه کوله د سریلانکا سفر وړاندې خالي وخت په نړیوالو لوبو ډک کړي او له همدې کبله افغانستان سره د لوبو په برابرولو کې بریالی شو.
د زمبابوې کرکټ بورډ لهخوا افغانستان سره د پلان شويو سیالیو د مهالویش له مخې به ټولې ۵ واړه سیالۍ په "هراری لوبغالي" کې د افغانستان په وخت غرمه ۱۲ بجې ترسره شي.
د افغانستان او زمبابوې کرکټ ملي لوبډلو ترمینځ د ۵ نړیوالو سیالیو مهالویش داسې مهال اعلانیږي، چې د افغانستان الف کرکټ ملي لوبډله هم زمبابوې ته رسیدلې ده او ټاکل شوې ده د ۵ غیر رسمي ۵۰ اوریزه لوبو لومړۍ به د راتلونکې شنبې په ورځ پیل کړي.
د افغانستان زمبابوی کرکټ ملي لوبډلو ترمینځ د لومړي ځل لهپاره د ۲۰۱۴ کال جولای میاشتې په ۱۸ مه نیټه د تاریخ لومړۍ ۵۰ اوریزه نړیواله لوبه ترسره شوه، چې کوربه لوبډلې زمبابوې وګټله.
.jpg)
دغه راز د دواړو لوبډلو ترمینځ وروستۍ نړیواله سیالۍ تیرکال د جنورۍ په ۶ مه نیته په شارجه کې وشوه، چې پهکې ګلبدین نایب د ۸۲ ناسوځیدلو منډو په مټ د اتلولۍ جام وګاټه.
افغانستان په داسې حال کې د زمبابوی پر وړاندې د څلورم ځل لهپاره دوه اړخیزه کرکټ سیالۍ کوي، چې تراوسه افغانستان پر دغه ټيم برلاسه دی.
د دواړو لوبډلو ترمینځ تراوسه ۱۴ پنځوس اوریزه لوبې ترسره شوي چې ۸ افغانستان او ۶ لوبې بیا زمبابوې لوبډلې ګټلي دي.
