.jpg)
د ولسمشر دویم مرستیال محمد سرور دانش نن په کابل کې د افغانستان د اساسي قانون د ۱۶مې کالیزې په مناسبت جوړه شوې غونډه کې د خبرو پرمهال وویل، چې د هېواد اساسي قانون نیمګړتیاوې لري او د معاصرې دورې اړتیاوې نهشي پوره کولای.
نوموړي زیاته کړه، اوسنی اساسي قانون په ۱۳۸۲ کال په داسې حالاتو کې تصویب شو چې په هېواد کې د خوشبینۍ فضا واکمنه وه.
د ولسي جرګې لومړي مرستیال امیرخان یار په یاده غونډه کې د خبرو پرمهال پر حکومت نیوکه وکړه او ويې ويل چې د ولسمشر یو شمېر هغه تقنیني فرمانونه لاهم نافذ دي چې د ولسي جرګې له خوا رد شوي.
دا په داسې حال کې ده چې د اساسي قانون پر پلي کولو د څارنې خپلواک کمیسیون رییس محمد قاسم هاشمزی وايي، دغه کمیسیون په خپلو کاري پروسو کې له ستونزو سره لاس په ګرېوان دی.
هاشم زی زیاتوي چې اساسي قانون د ځینو بنسټونو له خوا نقض او تر پښو لاندې کېږي.
