سیلاو ایرکین کمیسیونی دیجیتالی نتیجه‌لرنی توپلش مرکزنینگ ایشیگی‌نی قفلی سیندیریلگنینی تصدیقلیدی.
بوگون «سه‌شنبه» کابل‌ده خبری بیر ییغین اوتکزگن سیلاو ایرکین کمیسیون اعضاسی رحیمه ظریفی نینگ ایتیشیچه، دیجیتالی نتیجه‌لرنی توپلش مرکزنینگ ایشیگی‌نی قفلی سیندیریلگنی تیکشیریلیشی اوچون بیرهیأت تعیین ایتیلگن. لیکن مذکور کمیسیون اوتگن کون بیر خبرنامه نشر قیلیب دیجیتالی نتیجه‌لرنی توپلش مرکزنینگ ایشیگی‌نی قفلی سیندیریلگنینی شایعه دیگن ایدی.
اونینگ آگاه‌لنتیریشیچه، دیجیتالی نتیجه‌لرنی تیکشیریش و توپلش مرکزنینگ ایشیگی‌نی قفلی سیندیریلیشی‌گه سبب بولگن‌لر کمیسیون ایشلرینی سوراققه دوچ قیلگن صورتده، کیچیریلمه‌یدیلر.
اوشبو ییغینده سیلاو ایرکین کمیسیونی نینگ باشقه بیر اعضاسی اورنگ زیب نینگ ایتیشیچه، معلوماتی مرکزگه آوازلرنی اوتکزیش جریانی چقانلشتیریلیشی کیره‌ک. اونینگ کوپه‌یتیریشیچه، آوازلرنی اوتکزیش جریانی قنچه‌لیک توخته‌تیلگن صورتده، سیلاو نتیجه‌سی اعلان ایتیلیشی شونچه‌لیک توخته‌تیله‌دی.
سیلاو کمیسیونی نینگ اوشبو اعضاسی گه کوره، سیلاو نتیجه‌سی کمیسیونده‌گی نظارتچی‌لرنینگ حضوری باعث، تیزلیک‌که اعلان ایتیلمه‌گن و اولردن کمیسیون گه یاردم بیریش‌لرینی سوره‌یدی. جناب اورنگ زیب گه کوره، اولرنینگ قولگه کیریتگن دستلبکی معلوماتی گه کوره، کمیسیون ایشلاوچیلریدن 2 ته‌سی اوزلرینی ایسیتیش اوچون دیجیتالی نتیجه‌لرنی تیکشیریش و توپلش مرکزی گه کیریشگن.
عین دمده، سیلاو کمیسیونی نینگ کمیشنرلریدن باشقه بیری، سیلاو معلومات مرکزی گه بایومتریک آوازلرنی انتقال بیریش تورت کون توخته‌تیلگنیدن خبر بیرگن.
مسافر قوقندی نینگ ایتیشیچه، درمالوک شرکتی دن قولگه کیریتگن نامه گه کوره، اوتگن تورت کونده هیچ بیر آواز معلومات مرکزی گه انتقال بیریلمه‌گن.
سیلاو ایرکین کمیسیونی تعیین ایتیلگن زمانیده دستلبکی نتیجه‌نی اعلان قیله آلمه‌دی و حاضرگچه سیلاو نتیجه‌سی اعلان ایتیلیشی خصوصیده، دقیق زمان بیللی بولمه‌گن.
برقرارلیک و یقینلیک سیلاو تیمی دیجیتالی نتیجه‌لرنی تیکشیریش و توپلش مرکزنینگ ایشیگی‌نی قفلی سیندیریلگنی گه دولت قورووچی تیمی نینگ عیب‌لیدی، بیراق دولت قورووچی تیمی نینگ اعضالری بو ادعانی رد قیله‌دی.
شو توغریده…
برقرارلیک و یقینلیک تیمی: یوتقزگن تیم بوزمه‌کارلیک قیله‌دی
