فاریاب ولایتی نینگ ساغلیق‌نی سقلش ریاستی باشلیغی داکتر نعیم مصمم نینگ ایتیشیچه، خصوصی مؤسسه‌لر جمله‌دن علیشیر نوایی، داکتر تورانی، گوهرشاد بیگم و طبیب دولتی سیناوده اوقووچی‌لرنی یوتوققه ایریشتیریش بهانه‌سی بیلن ناقانونی شکلده اوقووچی‌لردن کمیده 5 میلیون افغانی توپله‌گن.
فاریاب ولایتی نینگ ساغلیق‌نی سقلش ریاستی باشلیغی نینگ کوپه‌یتیریشیچه، اوشبو مؤسسه‌لرنی مسؤوللری اوقووچی‌لرنینگ پولی‌نی قیتریب بیرمه‌گنده اولرنی عدلی و قضایی اداره‌لریگه تانیشتیره‌دیلر.
سلام‌وطندارگه صحبت بیرگن اوقووچی‌لردن بیری «مستعار» فاطمه نینگ ایتیشیچه، او درس اوقیگن مؤسسه مسؤوللری هر بیر اوقووچی‌دن 5 مینگ افغانی توپله‌گن.
اونینگ کوپه‌یتیریشیچه، مؤسسه مسؤوللری توپلنگن پوللردن 3 مینگ افغانی دیپلوم خرجتی و باشقه 2 مینگ افغانی کابل دن کیلگن هیأت اوچون دیگن‌لر.
شو توغریده…
پروان؛ برق ترقه‌تیش‌ده کینگ فساد موجود
کانلر وزیرلیگی‌ده اداری فساد موجودلیگی‌دن خواطر بیلدیریلگن
باش قاره‌لاوچیلیک؛ افغانستان‌نینگ اینگ فسادلی اداره‌سی دیر
عین حالده، ساغلیق‌نی سقلش وزیرلیگی تامانیدن یوباریلگن هیأت اعضاسی داکتر تمیم غیاثی نینگ ایتیشیچه، سیناو ایشلریده اره‌لیشیش اوچون کیم‌سه گه حق بیریلمه‌یدی و بو بهانه بیلن اوقووچی‌لردن پول توپلش گه کیم‌سه نینگ حقی یوق دیر.
اونینگ کوپه‌یتیریشیچه، سیناودن اوتیش معیاری اوقووچی نینگ ظرفیتی دیر.
اوقووچی‌لردن پول آلینگنینی تصدیقلگن علیشیر نوایی و طبیب مؤسسه‌لری مسؤوللری نینگ ایتیشیچه، بو پوللرنی دیپلوم و اوقووچی‌لرنینگ فراغت مراسمی اوچون توپله‌گن‌لر.
اوشبو موضوع بیان ایتیلگن بیرچاغده، اوتگن هفته 4 مؤسسه‌نی کمیده 800 اوقووچیسی شهادتنامه آلیش اوچون ساغلیق‌نی سقلش وزیرلیگی تامانیدن یوباریلگن هیأت نظری آستیده اوتکزیلگن دولتی سیناوده اشتراک قیلگن‌لر.
