نامی فاش ایتیلمسلیک شرطی بیلن سلام‌وطندار ترماغیگه صحبت بیرگن مملکت ایچکی ایشلر وزیرلیگی نینگ بیر منبعی، جمهور رییس بیرینچی اورین باسری جنرال دوستم نینگ 7 تَن ساقچیسی تحقیق اوچون عدلی و قضایی اداره ده حاضر بولگن دیدی. بولر جوزجان ولایتی نینگ سابق والیسی احمد ایشچنی جنسی تجازو قیلگن‌لیک‌ده عیب لنگن.
بوندن آلدین جناب دوستم نینگ ایکّی نفر تَن ساقچیسی تحقیق اوچون عدلی و قضایی اداره‌لرده حاضر بولگندی.
اوتگن کون جمهور رییس نینگ بیرینچی اورین باسری جنرال دوستم نینگ یشش اویی افغان مخصوص حربیلری آرقه‌لی قورشاوگه آلینگن لیگی گزارش قیلینگن ایدی. لیکن، کیچه اخبارات واسطه‌لریگه جانلی صحبت قیلگن جناب دوستم بو مساله‌نی کیسکین رد قیلدی. افغان ملی کوچلر ماموریت یوزه‌سیدن شهرگه ییرلشگن لیگینی تیلگه آلگن ایدی او.
بوندن چمه‌سی ایکّی آی آلدین احمد ایچشی جنرال دوستم و اونینگ تن ساقچیلری تامانیدن قیناققه آلینیب جنیسی زورلنگن لیگینی ادعا قیلگن ایدی. آخیرگه کیلیب، جناب دوستم نینگ 7 تَن ساقچیسی بوگون عدلی و قضایی اداره ده حاضر بولگن.
