بغلان ولایتی کینگش‌نینگ بیر قنچه اعضالری، قوراللی طالبلر دندغوری شهرنو منطقه‌سی‌نی تصرف قیلگن‌دن سونگ دهنه غوری‌گه هجوم قیلگن لر دیگن‌لر. ایتیلیشیچه، بو تومن‌نینگ بیر قنچه قیشلاق‌لری جنگری طالبلر اشغالی‌گه اوتگن.
دهنه غوری‌نینگ بعضی قسمت‌لری قول‌دن بیریلگن لیگی‌نی تصدیقله‌گن ولایت امنیه قوماندانی، قول‌دن بیریلگن منطقه‌لر دوباره آلینیشی اوچون سعی وحرکت‌لر بار دیگن.
بغلان ولایتی کینگشی‌ده دهنه غوری تومنی‌نینگ نماینده‌سی بسم الله عطاش نینگ آگاهلنتیریب ایتیشیچه، تومن‌نینگ قول‌دن بیریلگن منطقه‌لرینی قیته‌دن حکومت تامانیدن تصرف ایتیلمه‌گن حالده، دهنه غوری بوتونلی جنگری طالبلر اشغالی‌گه اوتیشی ممکن. عطاش، دهنه غوری سقوط قیلیشی بیلن بغلان ولایت مرکزی پلخمری شهری آسانلیک بیلن جنگری طالبلر اشغالی‌گه اوته‌دی دیگن.
بغلان ولایت کینگشی‌نینگ بو اعضاسی، منطقه‌گی جنگری طالبلر بوتونلی نابود ایتیلیشی اوچون مرکزی حکومت کوپراق حربی قوشین بغلان‌گه یوبارمه‌گن حالده، ولایت‌ده‌گی حربی کوچلر طالب‌لرگه مقابله قیلیش قابلیتیتی‌گه ایگه ایمس دیگن.
بغلان ولایتی دهنه غوری منطقه‌سی قوراللی طالبلر تامانیدن قورشاوگه آلینگن لیگی‌نی تصدیقله‌گن پولیس سوزلاوچی‌سی ذبیح الله شجاع، منقطه‌لر قیته‌دن طالبلر اشغالی‌دن آلینیشی اوچون ییریک حربی عملیات اوتکزیله‌دی دیگن.
مملکت شمال شرقی‌ده جایلشگن بغلان ولایتی جنگری طالبلر نفوذ قیلگن ولایت‌لردن سنه‌له‌دی. بغلان ولایتی‌نینگ ولایت کینگشی‌ده‌گی نماینده‌لری، مساله اوچون مرکزی حکومت جدی اعتبار قره‌تمه‌گن حالده، بغلان بوتونلی عصیانچی طالبلر قولی‌گه اوتیشی باره‌سی‌ده آگاهلنتیرگن‌لر.
