بوگون «سهشنبه» افغانستان مالیه وزیرلیگی و دنیا بانکی آرهسیده، مذکور بانک نینگ تولاوی قیتریلمس یاردملریدن 403 میلیون دالر ارزشلی یاردملیک کیلیشوونامه امضاءلندی.
مالیه وزیرلیگی و دنیا بانکی مسووللرینینگ ایتیشیچه، اوشبو یاردملردن بیر بولیمی بالهلر اینقسه قیزبالهلرنینگ تعلیماتگه قول تاپیشی خصوصیده صرف لنهدی.
مالیه وزیرلیگینینگ سرپرستی محمدهمایون قیومینینگ ایتیشیچه، بو جملهدن 298 میلیون دالرنینگ تعلیماتی بولیمده هزینه ایتیلیشی ممکن.
عینحالده، دنیا بانکینینگ افغانستاندهگی باشلیغی شبهام چوهدرینینگ ایتیشیچه، افغانستان مکتبلریدن یرمینی بناسی یوق و طلبهلر یاغمور و قویاشنینگ آستیگه تعلیمات کورهدی، انهشو سبب بیرینچیدن مکتبلرگه بنا توزهتیش کیرهک.
معارف وزیرلیگینینگ سرپرستی میرویس بلخینینگ ایتیشیچه، 7.3 میلیون بالهنینگ اوشبو همکارلیکلردن فایدهلنیشی ممکن.
مذکور ییغینگه اشتراک قیلگنلرنینگ ایتیشیچه، اوشبو پروژهلردن بیر بولیمی ایکی ییل جریانیده و باشقه بیر بولیمی کیلسی 5 ییل جریانیده عملگه آشیریلهدی.
